Madmax kennel

Madmax kennel For sell .breeding and training

02/11/2015

صباح الخير على احلى اصحاب
انا شوفت فيديو انهاردة قولت اوريهلكم
الفيديو ده علشان الناس تعرف الفرق بين الروت الأمريكى والالمانى والروسى
https://m.youtube.com/watch?hl=it&v=j8j8y5venuU&gl=IT

19/10/2015

اخوانى الأعزاء
اسف على الغياب بس الحمد لله على كل حال
نكمل مع بعض سلسلة المواضيع بتاعتنا
وعلشان الى ناسى انا كتبت موضوعين
الاول اهم حاجات لازم أوفرها وأعرفها علشان اشترى جرو
التانى ازاى اختار الجرو
# # موضوعنا انهاردة ايه الخطوات الاساسية الى المفروض اعملها للجرو علشان تحسين السلوك وبناية شخصيته # #
بعد ماجهزنا نفسنا وجهزنا البيت واشترينا الجرو ومروحين بقى طبعاً انت فرحان بصاحبك الجديد وأكيد برضه هو فرحان بيك وجاى معاك مش عارف ايه الى مستنيه بس هو فرحان وعمال يلعب معاك ويهز ديله اول حاجه تعملها اول ماتدخل البيت تعرف الجرو على المكان الى هينام فيه طيب ازاى فاكرين حتة القماشة الى اخدناها من صاحب الجرو الى فيها ريحة أمه هنحطهاله فى المكان الى الجرو هينام فيه وطبعا المكان ده يكون دفا وما يكونش على البلاط طبعاً ونشوف الجرو هايعمل ايه انت هتلاقيه عمال يلف فى المكان وبيدور على أمه وأخواته هايجى دورك انت واهم حاجه المفروض تبتدى بيها رحلتك مع الجرو تلعب معاه وتجيبله الألعاب بتاعته والحاجات دى مهمة وحاول انك تعرف اكتر لعبة بيحبها لان ده ضرورى وهاتعرف ليه بعد كدة وتجيبله الطبق الى هياكل فيه وطبق المية وحطله يشرب بعد كده هتلاقى الجرو بيشمشم فى الارض وبيلف فى دوائر كدة يبقى الجرو محتاج الحمام على طول تاخده على المكان الى انت عاوزه يعمل فيه الحمام بتاعه وبعد كدة العب معاه وحاول تخصصله وقت كتير شوية علشان يحبك وابتدى تعرفه على اسمه كل شويه ناديه باسمه علشان يعرفه تيجى تحطله الاكل تنادى عليه وتعوده انه مايكلش غير من طبقه وبعد الاكل بشوية كدة وديه مكان الحمام وتقوله كلمة معينة علشان يربط بينها وبين الحمام علشان كل ده هايساعدك بعد كده فى التدريبات وتحسين السلوك ونيجى بقى لموضوع الاكل الجرو فى العمر ده بياكل كميات صغيرة ومن ٣ الى ٤ مرات فى اليوم وحاول انك تظبط مواعيد الاكل علشان ده هايظبط معاك مواعيد الحمام واظبط الجرو وتأسيسه
مواعيد الحمام بقى اول ما الجرو يصحى من النوم وبعد الاكل وبعد اللعب هى دى مواعيد الحمام اهم حاجة تظبط المواعيد بتاعة الاكل والحمام وزى ماقلتلكم نحاول نربط كل حاجه فى حياة الجرو بأمر معين وتحاول تظبط حتة الاكل والحمام بأمر علشان ده بيفيد بعد كدة كتير اوى وماتستعجلش على التدريبات زى مابنشوف الشباب اليومين دول كل حاجة ليها وقتها علشان ماتندمش بعد كدة
وأتمنى لكم رحلة سعيدة مع صديقك الجديد
اخوكم # mad max #

18/10/2015

السلام عليكم ورحمة الله وبركاته
اهلاً وسهلا بكل الشباب الى معانا ونتمنى ان لو فى اى سؤال او استفسار ياريت تبلغوا وان شاء الله هانحاول نرد عليه ونستفيد ونفيد بعض وهو ده الغرض من الغية
اخوكم max #

13/03/2014

السلام عليكم ورحمة الله وبركاته
نكمل مع بعض سلسلة المواضيع بتاعتنا
تانى موضوع عندنا
بعد ما شوفنا احتياجانا وجهزنا نفسنا والمكان وكل الى معانا فى البيت خلاص
يلا بينا بقى ننزل نشترى جرو نشوف الاول احنا هانجيب جرو نوعه ايه وده طبعاً حسب كل واحد والى بيحبه طبعاً قبل مانجيب الجرو انت لازم تستقر على النوع الى انت حابب انك تربيه وتقرا كويس عن النوع ده وشخصية الكلب ده وايه المطالب للجرو واهم حاجه نشوف الفصيلة دى وايه الحاجات الى انت هاتحتاجها علشان تربى الفصيلة دى وتحاول تعرف من اصحابك او الى ربا الفصيله دى ايه الحاجات المهمه للتعامل مع الكلب ده
نروح بقى نشترى مش مستحب مستحب انك تروح لتاجر او لواحد ماتعرفهوش علشان لما تجيب الجرو يستحسن انك تشوف الاب والام
نيجى بقى للخطوة الى بعد كده تنقى الجرو طبعاً تحاول تاخد الجرو الجرئ وتكون صحته حلوه يستحسن انك تشوف الجراوى كلها ويكون معاك سلسله مفاتيح اقف بعيد عن الجراوى واعمل صوت بالمفاتيح دى او ارميها قدام الجراوى بس بعيد شويه شوف اول جرو هايجرى عليها ويروح يشم فيها هايكون ده الجرو بتاعك ماتدورش على الضخامه او الدماغ الكبيره انت محتاج لكلب فى الاول شخصيته قويه وشجاع ودى اول الاختبارات للجرو وطبعاً يفضل ان يكون معاك واحد بيفهم فى الكلاب بعد ما تنقى الجرو من بين الجراوى تقلب فيه وتشوف بقى مواصفاته وتقلب كويس فى الجرو وطبعاً لازم الجرو يحبك ويجرى يلعب معاك وكده
نصيحه اخيرة لو تقدر تاخد من صاحب الجراوى حته قماش من الى الام بتنام عليهم بعد الولاده او تكون فيها ريحه الام علشان الجرو ياخد على المكان بسرعه ومايتعبكش بالليل علشان النوم وكده علشان الجرو لما يتاخد من وسط اخواته او من امه هايعوى طول الليل وهايقلقك ويقلق كل الى حواليه لغايه ما ياخد على المكان
وبالتوفيق فى رحلتك مع جروك الجديد
اشوفكم على خير

السلام عليكم ورحمة الله وبركاته للزواج او للبيع هكتور ذكر روت وايلر المانى السن سنة و ٨ شهور ولم يسبق له الزواج مستوى مح...
08/03/2014

السلام عليكم ورحمة الله وبركاته
للزواج او للبيع هكتور
ذكر روت وايلر المانى
السن سنة و ٨ شهور ولم يسبق له الزواج
مستوى محترم
بالاسكندرية
تليفون ٠١٠٠٨٥٨٨٤٨٦

05/03/2014

السلام عليكم ورحمة الله
زى ما وعدناكم بسلسلة المواضيع
واول موضوع معانا والى لازم كل واحد بيربى كلب هو
اهمية الكلب ودوره فى حياتك والواجبات الى انت ملزم بيها كمربى وهاوى ولازم تخليها فى حسابك قبل ماتشترى الكلب
اولاً انت هاتجيب الكلب ليه
طبعاً كلنا عارفين ان الكلاب للحراسه او للصيد او للرعى
فى مصر طبعاًاهم غرض منه الحراسه ان كانت بيوت او مصانع او شركات او اشخاص
ثانياً المكان
لازم يكون متوافر المكان وده لازم يكون مكان نظيف ودافى مناسب لحجم الكلب علشان يبقى مرتاح فى النوم او اللعب ويستحسن يكون فى بيت خشب علشان الكلب ينام فيه ويكون متدفى وطبعا طبق الاكل وطبق للميه واهم حاجه المحافظه على النظافة وطهارة المكان علشان الامراض المنتشرة والحشرات يعنى مثلاً لو انت بانيله حجره لازم تكون متمحره علشان الاماكن الى بين الحجارة بتساعد على تكاثر الحشرات زى القراض والبراغيث
ثالثاً الوقت
لازم يكون عندك الوقت الكافى فى اليوم علشان تقضيه مع الكلب بتاعك مش اقل من ساعتين علشان تلعب معاه وتقربه منك وتدربه وطبعاً الاكل والشرب والحمام ولازم كل يوم على الاقل ساعه تمشيه وتاخده على الشارع والعربيات والناس و علشان جسم الكلب يتظبط ويبان عليه الاكل وصحه الكلب تكون كويسه
رابعاً المصاريف
عموما مش كتير بس اهم حاجه تبقى عام حسابك ان يكون عندك فيتامينات للكلب وطبعاً الاكل ويفضل انه يكون من بواقى اكل البيت لاسباب كتير هانقولها بعد كده فى مواضيع تانية وطبعاً التطعيمات علشان دى هاتفيدك انت قبل ماتفيد الكلب بتاعك
خامساً الادوار الخاصه بكل واحد بيتعامل مع الكلب لان الكلب طالما عندك فى البيت لازم يعرف كل واحد فى البيت وحدود الكلب مع الشخص ده يعنى بيتعامل معاه ازاى ويلعب معاه ازاى ويعرف من القائد بتاعه ومين المساعدين ليه لان الادوار مابتكونش واحده لكل الى حولين الكلب ودى برضوا هانقولها فى موضوع تانى ان شاء الله
دلوقتى عرفنا ايه الى لينا وايه الى علينا ورتبنا اولوياتنا وحتجتنا للكلب وايه الى الكلب محتاجه منك تقدر بقى بعد كل ده تقرر انت هاتجيب جرو ولا لا لان ده روح ولازم تهتم بيه علشان هو هايهتم بيك بعد كده
والله الموفق واشوفكم فى الموضوع الى جاى
اشوفكم على خير

05/03/2014

السلام عليكم ورحمة الله وبركاته
ان شاء الله هانبتدى سلسلة مواضيع تهم الهواة وتساعد المربيين فى التعامل مع كلابهم فى جميع المراحل العمريه للكلب
ياريت الناس تشارك معانا ولو فى اى مقترحات او استفسارات نبتدى نناقشها مع بعض وكل واحد عنده الخبرة فى افادة الناس يتفضل ويشارك معانا
والف شكر لكل الاعضاء الموجوده معانا فى الصفحه

صباح الخير يا احلى فانز التابيتان ماستيف بيصبح
06/02/2014

صباح الخير يا احلى فانز
التابيتان ماستيف بيصبح

23/01/2014

ازيكم يا احلى اصحاب
ياريت نضيف أصحابنا على الصفحه علشان نكبر صفحتنا شويه وياريت الى عنده حاجه للبيع او للجواز او البدل علشان نحاول نساعد بعض
اتمنى التفاعل

12/01/2014

كل عام وانت بخير بمناسبة المولد النبوى الكريم أعاده الله علينا وعلى مصر وعلى العالم أجمعين بالخير واليمن والبركات
# mad max #

بمناسبة العام الجديد كل عام وانتم بخير ويارب كل واحد فينا يحقق الى بيحلم بيه وتبقى سنة سعيدة على الكل عرض السنة وبسعر مغ...
30/12/2013

بمناسبة العام الجديد
كل عام وانتم بخير
ويارب كل واحد فينا يحقق الى بيحلم بيه
وتبقى سنة سعيدة على الكل
عرض السنة وبسعر مغرى
هكتور
ذكر روت وايلر المانى
السن ١٧ شهر اهالى مستوردة
للزواج بالإسكندرية
للاستعلام
تليفون او واتس أب ٠١٠٠٨٥٨٨٤٨٦
بى بى ام 7c52fd9b
Hecktor
Male German Rottweiler
17 month old
For mating in Alex
Tel or watts up 01008588486
BBM
7c52fd9b

Address

Alexandria

Telephone

01008588486

Website

Alerts

Be the first to know and let us send you an email when Madmax kennel posts news and promotions. Your email address will not be used for any other purpose, and you can unsubscribe at any time.

Shortcuts

Share