عيادة ميامي البيطرية-Miami Vet. Clinic

30/07/2025

القطة الجميلة دي اسمها بسكوتة، واحدة من الحالات اللي لمسونا جدًا في العيادة.. مش بس بسبب إصابتها، لكن بسبب إحساسها العالي بالأمومة رغم الألم.❤️

بسكوتة اتعرضت لحادث عربية تسبب في كسر في عظمة الفخذ، جروح شديدة في الرجل، وكدمات ونزيف في البطن. استقبلناها في العيادة، وفضلت أول 3 أيام تحت الملاحظة في استضافة علاجية عشان نقدر نثبت حالتها ونهيأها للجراحة.💔

في اليوم الرابع، دخلت غرفة العمليات، وتمت بنجاح جراحة تثبيت الكسور بمسامير للفخذ.💪🧡
لكن المفاجأة الحقيقية كانت بعدها...

بعد أقل من 24 ساعة من العملية، رجعت لحيويتها، بدأت تاكل، والأهم.. نظفت أولادها لأول مرة! 🐱💕
رغم التعب، رغم الألم، مكانتش بتفارقهم لحظة😍❤️.

اللي شوفناه مع بسكوتة بيأكد لنا إن "الأمومة مش بس غريزة، دي قوة مش عادية" – حتى وسط الجروح والمسامير.❤️

في عيادتنا، مش بس بنعالج..
إحنا بنرعى.. بنسمع.. وبنحس بكل روح بتدخل المكان.🧡
وبنفخر إننا مجهزين لإجراء جراحات العظام المتقدمة للحالات اللي محتاجة تدخل دقيق، وبنوفر لهم كل الرعاية قبل وبعد العملية.❤️❤️

د/آلاء وليــد
مقيد بماجيستير الجراحة كلية الطب البيطري-جامعة الاسكندرية

⏱️مواعيد العيادة من ١ ل ١٠ يوميا و الجمعة من ٣ ل ١٠
عيادة ميامي البيطرية

📍 برج كيرو خلف كافتيريا الفراعنة الموجودة على شارع اسكندر ابراهيم
https://g.co/kgs/gG1S6zk

17/07/2025

توتي قطة جميلة كانت حامل، واتعرضت لتسمم من حوالي شهر.. اتعالجت وقتها في مكان تاني، لكن فضلت تعاني من ترجيع مستمر، سخونية، ونقص شديد في الوزن 💔

صاحبتها ما استسلمتش، وفضلت تحاول بكل الطرق تخليها تتحسن، لكن حالتها ما كانتش بتتحسن خالص.

من أسبوع شرفتنا توتي في العيادة.. كانت حالتها متأخرة جدًا ووزنها قليل أوي 😿
عملنا لها سونار، واكتشفنا إن في بقايا جنينية في الرحم سببت لها تسمم داخلي خطير.💔

قرار التدخل الجراحي ماكانش سهل أبدًا، لكن ماكانش فيه حل تاني..
اتوكلنا على ربنا، وقررنا نعمل عملية تعقيم إنقاذًا لحياتها.

وبفضل الله و دعوات صاحبتها .. العملية نجحت 🙏💪
وتوتي رجعت لها شهيتها تاني يوم، وكأنها بتبدأ حياة جديدة 🐱💕

شكرًا لصاحبة توتي على ثقتها الكبيرة فينا، وعلى حبها لقُطتها ووقفتها معاها لحد ما توتي قامت بالسلامة🩵

د/آلاء وليــد
مقيد بماجيستير الجراحة كلية الطب البيطري-جامعة الاسكندرية

📍 برج كيرو خلف كافتيريا الفراعنة الموجودة على شارع اسكندر ابراهيم
https://maps.app.goo.gl/WMcCUW1nz7svuSzf8

⏱️موجودين يوميا من الساعة ١ ظهرا ل ١٠ مساء و الجمعة من ٣ ل ١٠

06/07/2025

كوكي قطة جميلة عندها حوالي ٦ سنين.. صاحبتها بدأت تلاحظ إنها بقت مهمدة ومش بتاكل زي الأول، وبقالها فترة مش على طبيعتها. راحت تكشف في مكان تاني، وهناك اكتشفوا إن عندها صديد في الرحم، وكانت الحالة متقدمة جدًا.

نظرًا لسن كوكي، وحجم الصديد الكبير اللي ظهر في الكشف، اقترحوا على صاحبتها إنها تعمل العملية عندنا.. وفعلاً شرفتنا كوكي في العيادة ❤️

عملنا لها التحاليل اللازمة، ولقينا إن إنزيمات الكبد والكلى مش في أحسن حال.. فبدأنا نجهز لبروتوكول تخدير مناسب لحالتها، بكل حذر وحرص.

ويوم العملية، ربنا كتب لها السلامة 🙏
قدرنا نخرج من كوكي اكبر رحم شوفته لقطة كان مليان صديد بوزن نص كيلو !💔
كانت عملية دقيقة جدًا، والتحدي فيها كبير.. لكن بفضل الله وخبرتنا قدرنا نعديها بأمان.❤️❤️

كوكي فوقت من التخدير بسرعة، ومن غير أي مضاعفات، وما شاء الله دلوقتي زي الفل 👏
الجرح كان بخياطة تجميلية، والتئم بسرعة من أول يوم!

كل الشكر لصاحبتها على اهتمامها وحبها ليها ❤️
وشكر خاص لكل دكتور زميلنا بيثق فينا وبيحول لنا الحالات الدقيقة دي 🙏

الحمد لله دايمًا على التوفيق 🌟

د/آلاء وليــد
مقيد بماجيستير الجراحة كلية الطب البيطري-جامعة الاسكندرية

📍 برج كيرو خلف كافتيريا الفراعنة الموجودة على شارع اسكندر ابراهيم
https://maps.app.goo.gl/WMcCUW1nz7svuSzf8

مواعيد العيادة من ١ الظهر ل ١٠ مساء يوميا و الجمعة من ٣ ل ١٠

03/07/2025

القطقوط صخر في الاستضافة😍😍
صخر من كتر ما بيقعد عندنا استضافة وقت سفر صاحبته بقا مقتنع ان العيادة هي بيته خلاص😂❤️❤️

الاستضافة بالحجز المسبق❤️

📍 برج كيرو خلف كافتيريا الفراعنة الموجودة على شارع اسكندر ابراهيم
https://maps.app.goo.gl/WMcCUW1nz7svuSzf8

29/06/2025

🎉 عرض خاص لكل مربيين الكلاب! 🐶

سعر الأمبول ب 600 جنيه بدل 750 جنيه ‼️😍

💉 ريفوليوشن الأحمر مناسب لـ: 🐾 الكلاب من وزن 10 لـ 20 كجم 🐾

✅ لو كلبك وزنه صغير (4 – 5 كجم):

ياخد نص الأمبول فقط
والنص التاني تحتفظي بيه وتعطيه بعد شهر ل شهرين ❤️

🛡️ ريفوليوشن بيحمي من: ✔️ البراغيث
✔️ الحشرات
✔️ القراد
✔️ ديدان القلب
✔️ بعض الطفيليات المعوية

📦 متوفر الآن بكميات محدودة
📍 احجز قبل نفاد الكمية

📍 برج كيرو خلف كافتيريا الفراعنة الموجودة على شارع اسكندر ابراهيم
https://maps.app.goo.gl/WMcCUW1nz7svuSzf8

25/06/2025

لومي كان بيعاني من تورم كبير تحت لسانه خلى الأكل صعب، والبلع مؤلم، ومبقاش حتى قادر يقفل بقه كويس.💔💔

بعد الكشف وأشعة دقيقة، اكتشفنا إن السبب هو انسداد في القناة اللعابية، واللي أدى لتجمع شديد للعاب تحت اللسان.

قررنا ندخل عملية دقيقة لإزالة الانسداد وتفريغ التجمع.💪🤍

وفي خلال 24 ساعة، لومي رجع يبلع ويأكل بشكل طبيعي… ولسانه رجع مكانه، وكأن مفيش حاجة حصلت!😍❤️😻

الحمد لله على النتيجة، والفرق اللي الجراحة عملته في راحة "لومي" اليومية ❤️

لو لاحظت أي تورم أو لعاب زايد تحت لسان قطك أو كلبك، متتأخرش في الكشف. الحالات دي ممكن تتعالج بسهولة لو اتلحقت بدري.🤍

د/الاء وليد
مقيد بماجيستير الجراحة كلية الطب البيطري-جامعة الاسكندرية

📍 برج كيرو خلف كافتيريا الفراعنة الموجودة على شارع اسكندر ابراهيم
https://maps.app.goo.gl/WMcCUW1nz7svuSzf8

⏱️مواعيدنا يوميا من ١ ظهرا ل ١٠ مساء و الجمعة من ٣ل١٠ مساء

25/06/2025

العروض لسة مستمرة معانا لحد اخر اغسطس😍😍😍😍

عروض الصيف رجعتلكم… وبأسعار السنة اللي فاتت!😍😍

دلّع حيوانك الأليف بتطعيمات شاملة، جلسات جرومينج، وكمان وقاية كاملة من الحشرات❤️

العرض الاول : امبول الحشرات الشهري + جرعة ديدان+ قص الأظافر و تنظيف الاذن و حلاقة منطقة الذيل ب ٢٥٠ ج بدلا من ٣٥٠ج🔥🔥

العرض الثاني: شاور او حلاقة طبية (حلاقة الاسد) +امبول الحشرات الشهري + قص اظافر + تنظيف اذن + سبراي معطر للجسم لفترة طويلة 😍 ب٢٥٠ ج بدلا من ٣٥٠ ج❤️🔥🔥

العرض الثالث : جرعة ريفوليوشن الامريكي للحشرات + قص اظافر + تنظيف اذن ب ٤٠٠ ج بدلا من ٦٠٠ ج 🔥🔥💪

العروض للقطط فقط 😻

⏱️موجودين يوميا من ١٢ الصبح ل ١٠ مساء و الجمعة من ٣ ل ١٠
📍 برج كيرو خلف كافتيريا الفراعنة الموجودة على شارع اسكندر ابراهيم
https://maps.app.goo.gl/WMcCUW1nz7svuSzf8

14/06/2025

جيسيكا كانت ضحية لحادث مؤلم بعد ما اتعرضت لهجوم من كلب بيتبول، تسبب في فقدان جزء كبير من الجلد في أعلى الفخذ الأيمن. 💔💔

لكن بفضل الله، ومع المتابعة الدقيقة والرعاية المتخصصة في العيادة، بدأ الجرح يتحسن بشكل ملحوظ 🙏🧡

📉 مساحة الجرح قلت بشكل كبير✅️✅️

📏 الحواف مبقتش سميكة، وده دليل إن عملية الالتئام ماشية في الطريق الصح 💪✅️✅️

📐الجرح بقى املس من النص و مرتفع قريب من مستور سطح الجلد الطبيعي ✅️✅️

بدأنا العلاج من فترة قليلة و لسة هنكمل لحد ما جيسيكا ترجع زي الفل من تاني💪🧡

إحنا في العيادة مش بس بنعالج الجروح…
إحنا بنرعى كل حالة باهتمام وتخصص، خصوصًا في الجروح العميقة والمزمنة اللي بتحتاج خبرة وصبر.

🩺 لو حيوانك الأليف بيعاني من جرح كبير أو صعب الالتئام، إحنا هنا علشان نساعده يتعافى خطوة بخطوة ❤️

د/الاء وليد
مقيد بماجيستير الجراحة كلية الطب البيطري-جامعة الاسكندرية

📍العنوان: برج كيرو خلف كافتيريا الفراعنة الموجودة على شارع اسكندر ابراهيم

https://g.co/kgs/gG1S6zk
010 18250720
⏱️المواعيد: يوميا من ١ ظهرا ل ١٠ مساء
و الجمعة من ٣ العصر ل ١٠ مساء

28/05/2025

كوكي قطة جميلة اتقابلت مع صاحبتها لأول مرة في الشارع، كانت تايهة ومحتاجة حضن أمان، وصاحبتها من ساعتها قررت تبقى بيتها وسندها.🧡

ومع مرور الوقت، ولأن سن كوكي كبير، صاحبتها خافت عليها من أي مشاكل صحية زي صديد الرحم، وقررت تعمل لها عملية التعقيم حفاظًا على صحتها.💛

كشفنا على كوكي وبدأنا أول خطوة بالتحاليل — وظائف كبد وكلى — وطلع كل شيء تمام الحمد لله ✅

دخلت كوكي غرفة العمليات،و عشان العمليات دايما بيكون فيها مفاجأت.. كوكي طلع عندها صديد في الرحم و صاحبتها جابتها لنا في الوقت المناسب💙 والحمد لله العملية تمت بنجاح، والخياطة كانت تجميلية علشان تلتئم بأفضل شكل.🧡🧡

والأجمل؟ كوكي فوقت بسرعة وكانت بتتحرك وتاكل من تاني يوم وكأن مافيش حاجة حصلت 💪✨

تحية كبيرة لصاحبتها على حبها واهتمامها، و كوكي القوية ❤️

د/الاء وليد
مقيد بماجيستير الجراحة كلية الطب البيطري-جامعة الاسكندرية

📍برج كيرو خلف كافتيريا الفراعنة الموجودة على شارع اسكندر ابراهيم

عيادة ميامي البيطرية

https://g.co/kgs/gG1S6zk

⏱️مواعيد العيادة يوميا من ١ ظهرا ل ١٠ مساء و الجمعة من ٣ ل ١٠ مساء

19/05/2025

طمطم القمر😍😍
عندها ١٠ سنين 🐾💛

صاحبتها قررت تعمل لها عملية تعقيم بعد ما خلّفت كتير، بس كان قلبها واجعها من القلق، خايفة على طمطم من التخدير عشان سنها الكبير.🤍

لكن احنا في العيادة خدنا كل الاحتياطات:
عملنا كشف شامل وتحاليل وظائف كبد وكلى، واخترنا بروتوكول تخدير يناسب حالتها بالظبط.❤️💪

💉 وفي يوم العملية... طمطم كانت بطلة حقيقية.❤️
العملية الحمد لله عدّت بنجاح، وقامت من البنج بسلام، وابتدت تاكل تاني يوم كأن مفيش حاجة حصلت.❤️❤️

واللي فعلاً لمسنا هو حب صاحبتها ليها ❤️
كانت معاها في كل لحظة، حضرت العملية لحد ما طمأنت قلبها، وبعدين استضافتها يومين كمان في العيادة لحد ما طمطم رجعت لطبيعتها ١٠٠%.

👩‍⚕️👩‍⚕️العملية تمت عن طريق
د/الاء وليد - طبيب رئيسي
د/اهداء أنور- طبيب مساعد

لو بتحب قطتك... فكّر في التعقيم، مش بس لحمايتها من الأمراض، لكن كمان عشان تعيش معاكو حياة أطول وأهدى.
واحنا هنا، في العيادة، هنهتم بيها كأنها من عندنا 🐱💖

د/الاء وليد
مقيد بماجيستير الجراحة كلية الطب البيطري-جامعة الاسكندرية

⏱️مواعيد العيادة: يوميا من ١ ظهرا ل ١٠ مساء و الجمعة من ٣ ل ١٠
📍الموقع: برج كيرو خلف كافتيريا الفراعنة الموجودة على شارع اسكندر ابراهيم
https://maps.app.goo.gl/S6vcgtw9u2NB4n7W6