20/07/2026
الكوكتيل اللاتيني ده مش عصفور، ده عيل صغير بشعر اصفر 😂💛
اللي هيربيه لازم يعرف شوية حاجات مهمة:
1- ده بيحب الحضن:
اللاتيني مينفعش تسيبيه محبوس في القفص طول اليوم وتقولي بأكله وخلاص. لا! لازم كل يوم تطلعيه يقف على كتفك وتلعبي معاه ربع ساعة. لو اتساب لوحده هيكتئب وهيشد ريشه.
2- نومه تقيل وبيحب الضلمة:
عايز ينام من 10 لـ 12 ساعة في حتة ضلمة وهادية. غطي القفص بقماشة خفيفة بالليل. لو منامش كويس هيقريفك تاني يوم وهيقعد يصرخ.
3- اكله مش لب وسوداني وخلاص:
اكله الاساسي بلكم وفلارس، بس لازم تدلعيه.. حتة جزر مبشورة، ورقة خس، حتة بيضة مسلوقة بالبقسماط يومين في الاسبوع. هتلاقيه بيحبك اكتر من جوزك.
4- لو تعب هتعرفي ازاي:
لو لقيتيه كاشش ونافش ريشه وقاعد تحت في ارضية القفص ومش بياكل.. متقوليش بردان، ده تعبان ولازم تلحقيه بسرعة.
انا اللاتيني اللي عندي كل يوم الصبح بيقعد يصفرلي لحن غريب كأنه بيقولي صباح الخير.
انتو بقى الكوكتيل بتاعكم بيعمل معاكم ايه يضحك؟ احكولي في الكومنتات 👇
